Hvað þýðir árangur í skattamálum?

Það kemur lítið á óvart að flokksráðfundur VG skuli vera ánægður með ríkisstjórnina. Stjórnarliðar og þeirra fylgismenn leggja öll lóð sín á vogarskálar til þess að stjórnin haldi lífi, þrátt fyrir að hún hangi saman á litlu meira en lyginni.

Ekki veit ég hvað "árangur í skattamálum" þýðir og þætti vænt um að einhver myndi upplýsa mig um það. Ef síaukin skattbyrði á sama tíma og við fáum minni þjónustu í staðinn getur kallast árangur í skattamálum, þá legg ég ekki sama skilning á orðið árangur og flokkráðsfundur VG.

Það eru fáar krónur eftir í vasa þorra landsmanna sem Steingrímur J. hefur ekki enn seilst í, en það má telja líklegt að hann haldi áfram að reyna. Stefnan í ríkisfjármálum virðist vera sú að kæfa algjörlega einkaneyslu, sem er þó einn af drifkröftum hagvaxtar.

Þegar nýir aðilar koma að rekstri fyrirtækja er oft fyrst hugsað um útgjaldahliðina til þess að finna auðveldar leiðir til að auka hagnað. Væri ekki nær að ríkið gerði það, hætti gæluverkefnum og klippti burt óþarfa vitleysu, kæmu framkvæmdum vegna vegagerðar, jarðgangna og tónlistarhúsa?

„Ótvíræður árangur“ í skattamálum

Athugasemdir

[Óskar Guðmundsson (IP-tala skráð) 28.8.2011 kl. 17:22]

Áranur í skattamálum má mæla á ýmsan hátt.

Ein er hlutfallsleg skil. Þar hefur WC (áður VG) ekki haft erindi sem erfiði.

Annað er krónur og aurar. Þar hafur WC náð inn.... en þó á miðað við hversu mikið skattar hafa lækka og ofangreind "hlutfallsleg skil" hafa þeir einungis skitið í buxur sínar og annarra.

Þriðja er vinslædir með hækkunum en þrátt fyrir að allir vissu að hækkarnir skatta voru eitt aðalmál WC hafa þeir þrátt fyrir það náð að kasta 3/4 af öllu fylgi sínu beint í gin óvina sinna X-D. Ástæðan er síðan sennilega hversu erfitt þeir eiga með að segja satt.

Ég get eginlega ekki fundið neinn mælikvarða sem hægt er að kalla "ótvíræðan árangur". Það eina sem sitjandi ruglukollar hafa náð ótvíræðum árangri í og hreint lyfilegri útkomu .... er að rétta við fylgi Sjálfstæðisflokksins.

P.s.

Bið að heilsa Nínu :)