Hvað er málið með að telja í útvarpi?

Ég var að hlusta á ágæta umræðu í útvarpinu í morgun á leiðinni í vinnuna. Allir hressir að spjalla og eitthvað og svo segir einn: "Já, þetta er góð leið til þess að gera þetta, tel ég." Af hverju telur fólk alltaf eitthvað en bara í útvarpinu? Það virðist vera að enginn þori að segja "ég held" og þess vegna fara menn beina leið í að segja "ég tel" sem er í raun alveg fráleitt því þetta er eins langt frá talmáli og mest má vera.

Líklega er gott að segja "ég tel" í ritmáli en í talmáli hljómar þetta bara vélrænt og asnalega. En kannski er þetta bara sjálfsagt og eðlilegt, fólk verður stressað með hljóðnema í andlitinu og dettur þá í að beita frösum sem það myndi annars aldrei nota og hljómar kannski þess vegna asnalega.