Hvernig hjálpar þetta?

Ég veit að það þarf að afla fjár og ég veit að skatttekjur eru helsta tekjulind ríkisins. En ég fæ ekki séð hvernig hærri skattur bæði á tekjur og neysluvörur hjálpar til við að koma hagkerfinu aftur á fullt. Kaupmáttur hefur dregist saman undanfarið ár og nú lækka ráðstöfunartekjur allra enn frekar við hærri tekjuskatt.

Ríkið ætti auðvitað að einblína frekar á gjaldahliðina en tekjuhliðina í ríkisreikningnum og reyna að draga enn meira saman. Núverandi ráðstafanir þýða bara að það sé verið að herða beltið um einn en ekki skera niður af alvöru, leggja niður góðærisríkisstofnanir, hætta að sinna gæluverkefnum og sætta sig við þann sársauka sem af því hlýst til skamms tíma.

Þegar ráðstöfunartekjur almennings í landinu dragast saman og ríkið er að spara þá verður samdráttur í hagvexti - það er lítið annað í boði. Best væri að fjármagna halla ríkissjóðs til skamms tíma með láninu frá AGS og Norðurlöndunum. Hvenær á annars að nota þessi lán sem allt virðist snúast um og hvers vegna má ekki fjármagna halla ríkissjóðs með þeim?

Ríkisstjórnin er langt frá því að vera starfi sínu vaxin og hefur það líklega sýnt sig best í Icesave málinu. Það er bara eins gott að Alþingi hafni Icesave, því með skattahækkunum og niðurskurði er vart á vandann bætandi.

Virðisaukaskattur 25,5%

Athugasemdir

[btg (IP-tala skráð) 21.12.2009 kl. 11:24]

Enn hvað ég er sammála !

Annað í fréttini sm ég tók eftir:

"Alþingi samþykkti einnig lög um tímabundna fjölgun héraðsdómara. Enginn ágreiningur var um þetta mál á Alþingi og voru lögin samþykkt með 51 atkvæði."

51...eru þeir ekki fleirri ???

Hvar var restin ! Er ekki krafa okkar að þessir menn séu í vinnuni sinni !!!!!!

[Jón Flón (IP-tala skráð) 21.12.2009 kl. 12:58]

Ég held svei mér þá að Jón Gnarr hafi rétt fyrir sér. 63 þingmenn er bara alltof mikið og algjör sóun á peningum, enda vinnur greinilega ekki helmingurinn fyrir kaupinu sínu.